TEATRO DE NINGURES: 'AS GARDIÁS OU O NÓ DO TECELÁN' - 07 Febrero PONTEVEDRA

Ficha técnica e artística:

Autor: Nasser Djemaï

Dirección: Cristina Domínguez

Interpretación: Casilda Alfaro, Melania Cruz, Amparo Martínez, Rebeca Montero e Sonia Rúa

Tradución: Henrique Harguindey

Adaptación: Vanesa Sotelo

Escenografía e vestiario: Carlos Alonso

Deseño gráfico, vídeo e fotografía: Diego Seixo

Espazo sonoro: Héctor Pazos

Iluminación: Héctor Pazos e Salvador del Río

Dirección de produción: Salvador del Río

Contratación: Lilian Portela. AMARELO Distribución.

 

Descrición:

AS GARDIÁS, ou o dereito a decidir como xestionar a nosa propia vellez.

O humilde piso de Rosa, nun vello edificio no corazón dun barrio popular dunha vila obreira, é o refuxio acolledor dunha tribo de catro mulleres maiores organizadas. Rosa (que se topa nunha cadeira de rodas) e as súas compañeiras, Ana, Marga e Susana, son operarias xubiladas da industria téxtil, e están decididas a preservar a súa independencia. Cando a filla de Rosa, Vitoria, propón trasladala a unha institución médica e vender o apartamento, comeza unha loita entre dúas visións do ben envellecer. Enfrontadas ás decisións de Vitoria, as vellas mulleres defenden o seu dereito a vivir xuntas e en liberdade e artellan unha serie de estratexias para convencer a Vitoria de que a súa é a postura mellor.

A peza, As gardiás, reflexiona sobre os coidados á vellez, contrastando o mundo das residencias protexidas co calor humano da familia e a comunidade. O autor, Nasser Djemaï, narra con sensibilidade a resistencia destas "gardiás" contra a inclemente modernidade. A través das vivencias destas mulleres, a peza explora o desexo de vivir e a solidariedade comunitaria, e nos interpela a todas as persoas sobre como, onde e con quen queremos envellecer.