Ficha técnica e artística:

Autor: Bernard Marie Koltès 

Adaptación e dirección: Sandra Moya 

Interpretación: Víctor Díaz 

Actriz de ensamble: Sandra Moya 

Escenografía e vestiario: Alberte Bello 

Música: Víctor Esteban 

Tema musical “Mohan”: Alexey Restrepo

Deseño e realización sonora e audiovisual: Sandra Moya 

Iluminación e técnico: Alex Sobrino 

Produción: Federico Esteban

 

Sinopse:

Un inmigrante sen diñeiro e sen traballo deambula polas rúas chuviosas dunha cidade, noite tras noite foxe dos cazadores de mouros, de gais e de persoas que o consideran unha rata. Agocha a súa orixe e o seu xénero para que non mallen nel, vende o seu corpo para sobrevivir ou ter alguén con quen conversar. Fala sen parar, sen precisar a quen, coa urxencia de recoñecerse noutro, de reafirmarse nun mundo que o ten sempre a parte, sempre no esquecemento. 

 

A música lévao a expresar os seus pensamentos, sentimentos, lembranzas de encontros efémeros con seres da noite e marxinados coma el: os lacazáns esquecidos nun recuncho, Mama, a prostituta que come terra, a moza fascista, ... voces que resoan na súa mente e  nos amosan a súa vulnerabilidade á vez que nos fai reflexionar sobre esa humanidade que estamos a perder. Lentamente o personaxe vainos mergullando no océano que o trouxo ata aquí.