ISHAN SOUND (Bristol, UK)

youngechosound | sector7sounds | deepmedimusik | zamzamsounds | tectonicrecordings

É membro fundador de Young Echo, o colectivo de música electrónica máis prolífico e influente de Bristol.

Como parte do colectivo Young Echo, Ishan Sound axudou a esculpir unha variedade de música que atravesa os bordes máis experimentais da música, pero a súa produción en solitario baixo o nome de Ishan Sound ten unha intención bastante específica e directa: chea de graves e repleta de melodías e fortes elementos percusivos, a súa música pertence a atmósferas escuras, feita a medida para ser escoitada sistemas de son pesados, que poden reproducir a densidade das súas atmósferas.

Ishan Sound ten pasado por festivais e clubes de todo o mundo, sendo a escena underground do bass music de UK o seu hábitat, ten xirado por Berlín ou USA en numerosas ocasións.

Cunha próxima aparición aquí na festa de lanzamento do Tremeterra Festival o 6 de maio, presentará un show con base na xénese da súa música e o seu estilo de produción fortemente influido polo dub reggae, o grime de principios de 2000, o dancehall dixital, os steppers do Reino Unido e a música de todo o espectro de 140 bpm.