Saída do balandro Joaquín Vieta enmarcada dentro da 1ª Edición da Feira Náutica do Freixo, en Outes.

Nesta travesía marítima poderedes coñecer a ría de Muros-Noia e descubrir a interesante traxectoria ao longo do tempo desta embarcación histórica construída nos estaleiros do Freixo en 1916.

Os menores deben reservar entrada e acudir á actividade acompañados dunha persoa adulta responsable.

Rogamos ás persoas que reserven entrada que se presenten no peirao dez minutos antes da hora de saída do barco e que cancelen a súa praza enviando un mail a [email protected] no caso de non poder asistir á actividade.