Bat ikuskizuna hiru koreografiako programa da. Lehena, Esclavos felices pieza, 10 minutuko pieza frenetikoa da, ironiaz eta umorez betea. Thirty koreografia, aldiz, poesia eta fintasun handiko sorkuntza da, emozioa eta abstrakzioa uztartzen dituen 15 minutuko pieza. Amaieran iritsiko da pieza luzeena, 35 minutukoa, Walls izenekoa, eta gaur egungo munduari eta gizarteari buruzko hausnarketa eskainiko du. Publiko orori zuzendutako ikuskizuna da, dantza garaikideaz bete-betean gozatzeko aukera eskaintzen duena.

Koreografiak: Martin Harriague eta Sade Mamedova

Zuzendari artistikoa: Adriana Pous

Dantzariak: Raúl Abentin, Andrea Aguado, Alicia Cayrou, Marina Eskisabel, Maddi Gaztelumendi, Laura Gómez, Lara Matea Ivancic, Oscar Pascual, Noel Quintela, Iñigo Rementeria, Beñat Urrutia