Stella Maris Berria desegiteko dagoen atunontzia da. Hala ere, Iñigo Mijangosek eta Iñigo Gutierrezek, Itsas Salbamendu Humanitarioa GKEko bi kidek, ezohiko ideia bat dute: arrantza-ontzia erreskate-ontzi bihurtzea Mediterraneo itsasoan itotzen ari diren errefuxiatuak salbatzeko. Horrela jaio zen Aita Mari.

«Aita Mari '-k ontziaren odisea kontatzen du, bi urte baino gehiagokoa, berreraiki zenetik lehen erreskatea burutu zen arte.

Langile eta boluntarioen laguntza desinteresatuari esker osatzen diren berregokitze-lan konplexuen ondoren, tripulazioak ezbehar handi bati egin behar dio aurre: Espainiako Gobernuak ukatu egin du itsasoratzeko baimena. Dokumentalak Aita Mariren moduko misioak eragozteko erabakian ezkutatzen diren oztopo burokratikoen eta interes europarren arrazoiak argitzen ditu.

Ia urtebete geroago, tripulazioak egoera desblokeatzeko modua aurkitu zuen eta abiatzea lortu zuten. Mediterraneora iritsitakoan, paterak bilatzen hasten dira Libiaren zaintzapean dagoen eremu batean, alegia,  huts egin duen estatu batean. Irudiek erreskate bat erakusten dute, baita Libiako patruila-ontzi batekin izandako topaketa tirabiratsu bat ere.

«Aita Mari» herritar anonimo talde batek gerratik eta gosetik ihesi doazen pertsonei laguntzeko egiten duen ahalegin kolektiboaren historia da.

Zuzendaria: Javi Julio          Produkzioa: Santi Donaire    Soinu Banda: Pello Ramirez

Muntaia: Igor Arabaolaza    Hizkuntza: gaztelania            Iraupena: 87 minutu