TEATRO. REDE AGADIC 1º SEMESTRE 2025

Talía Teatro: Un Deus Salvaxe

 

Autoría: Yasmina Reza

Dirección: Artur Trillo

Elenco: Marta Lado, Toño Casais, María Ordóñez e Dani Trillo

Xénero: comedia

Duración: 85 min

Público: adulto (a partir de 13 anos)

 

Dous nenos duns once anos enfróntanse con violencia nun parque. Beizos inchados e dous dentes rotos…. Os pais da “vítima” convidan á súa casa aos pais do

“matón” para resolver o conflito. O que comeza sendo unha charla con bromas e frases cordiais, adquire un ton máis violento a medida que os pais van revelando 

as súas ridículas contradicións e grotescos prexuízos sociais. As parellas empezarán a insultarse sen ningún reparo, e mesmo non dubidarán en sacar os

trapos sucios dos seus respectivos matrimonios. Aquí non hai nin bos nin malos. Nin tan sequera vencedores e vencidos. Só catro adultos que se encerellan nunha calorosa discusión que vai desvariando máis e máis a medida que esta se vai alongando innecesariamente. A situación descontrólase de tal modo que ninguén está a salvo de recibir a súa ración de ofensa persoal, e todos os intentos por acougar os ánimos e instaurar a paz acaban fracasando. Cada un ten a súa propia opinión sobre como canalizar o conflito que afecta aos seus fillos e de aí xorden outros temas nos que por suposto non logran poñerse de acordo.

A obra saca todo o lixo que estes catro individuos acumularon ao longo da súa vida en relación á educación que recibiron, á posición social que ostentan, á súa profesión... e amósanos a súa cara oculta.